អន្តរជាតិ: ការកសាងប្រវត្តិសាស្ត្រថ្មីក្នុងដើមខែថ្មីត្រូវបានចាប់ផ្តើមកើតឡើងក្នុងប្រទេសអាហ្វហ្គានីស្ថាន។ ក្រុមតាលីបង់កំពុងធ្វើដំណើរយ៉ាងលឿនដើម្បីអះអាងខ្លួនឯងក្នុងរយៈពេលមួយថ្ងៃបន្ទាប់ពីការដកទ័យរបស់សហរដ្ឋអាមេរិត្រូវបានបញ្ចប់ពីព្រលានយន្តហោះអន្តរជាតិហាមីដកាហ្សៃរបស់ទីក្រុងកាប៊ុល ដែលកងទ័ពអាមេរិកបានចាកចេញចុងក្រោយពីដីអាហ្វហ្គានីស្ថានបន្ទាប់ពីកាន់កាប់បាន ២០ឆ្នាំ។

ក្រុមតាលីបង់បានដង្ហែក្បួនដណ្តើមយកជ័យជំនះលើព្រលានយន្តហោះដែលជាទីមជ្ឈមណ្ឌលនៃការចាប់អារម្មណ៍របស់ពិភពលោកកាលពីសប្តាហ៍មុន។ មន្ត្រីការទូតរបស់បស្ចិមប្រទេស ប្រមានជាង ១២៥.០០០នាក់ និងជនជាតិអាហ្វហ្គានីស្ថានមួយចំនួនដែលបានធ្វើការឱ្យមន្ត្រីការទូតទាំងនោះត្រូវបានគេដឹកជម្លៀសចេញតាមយន្តហោះក្នុងកំឡុងពេលប្រតិបត្តិការដ៏ធំបំផុតមួយនៅក្នុងប្រវត្តិសាស្ត្រ ប៉ុន្តែជនជាតិអាហ្វហ្គានជាច្រើនរាប់មិនអស់ត្រូវបានទុកចោល។ ពួកតាលីបង់បាននិយាយថា ពួកគេគ្មានអ្វីត្រូវខ្លាចឡើយ ហើយលែងត្រូវការសង្គ្រាមទៀតហើយ។

អ្នកនាំពាក្យតាលីបង់លោក Zabihullah Mujahid បាននិយាយថា ពួកគេចង់បានទំនាក់ទំនងការទូតជាមួយសហរដ្ឋអាមេរិកក៏ដូចជាជាមួយបណ្តាប្រទេសផ្សេងទៀតនៅជុំវិញពិភពលោក នៅពេលដែលពួកគេបានព្យាយាមកសាងប្រទេសឡើងវិញ ដែលត្រូវបានរងការបំផ្លាញដោយសង្គ្រាមស៊ីវិល ការឈ្លានពាន និងការកាន់កាប់ជាច្រើនទសវត្សកន្លងមក។ ពួកគេបាននិយាយថាការងារដំបូងរបស់ខ្លួនគឺការបើកព្រលានយន្តហោះសំខាន់របស់ទីក្រុងកាប៊ុលឡើងវិញ។

នៅទីកន្លែងផ្សេងៗទៀតនៅក្នុងរដ្ឋធានី អាចជាទស្សនីយភាពដែលក្រុមអ្នកកាន់កាប់ថ្មីនេះ បានគ្រោងគិតទុកដើម្បីធ្វើការអភិវឌ្ឍឡើងវិញ។ ប្រការនេះត្រូវបានពួកគេចាត់ទុកថាគឺជាការប្រារព្ធពិធីជោគជ័យថ្មីមួយដោយ ដែលពួកគេបានកំពុងសន្យាកសាងសន្តិភាពស្ថិរភាពនិងការអភិវឌ្ឍ economic សេដ្ឋកិច្ចសង្គមនៅក្នុង “អេមីរ៉ាតអ៊ីស្លាមអាហ្វហ្កានីស្ថាន” ថ្មីមួយ។

នៅទូទាំងប្រទេស មានការលាលែងចេញពីតំណែង ដើម្បីផ្តាច់ខ្លួនចេញពីតាលីបង់ ដែលប្រការនោះនឹងមិនមែនជាជម្រើសនិង ក្លាយជាគន្លឹះដើម្បីធានាសន្តិសុខតំបន់។ នៅប្រទេសកាតា រដ្ឋមន្ត្រីការបរទេស Sheikh Mohammed bin Abdulrahman al-Thani បានកំពុងទទួលស្វាគមន៍សមភាគីអាល្លឺម៉ង់របស់ខ្លួន។ លោករដ្ឋមន្ត្រីបានប្រាប់ប្រព័ន្ធផ្សព្វផ្សាយថា គាត់ជ្រើសរើសមើលទៅខាងភ្លឺ៖ “យើងជឿជាក់ថា ភាពឯកោមិនមែនជាចម្លើយទេ ប៉ុន្តែការទទួលស្គាល់នៅតែមិនមែនជាអាទិភាពសម្រាប់យើង។ ដូច្នេះ នេះគឺជាការវាយតម្លៃរបស់យើងថាតាលីបង់នៅឯកោក្នុងឆ្នាំ១៩៩៦ បាននាំយើងទៅរកស្ថានភាពដែលយើងធ្លាប់នៅក្នុងប្រទេសអាហ្វហ្គានីស្ថានកាលពីមុននៅឡើយ មើលឃើញថាការចូលរួមនេះអាចផ្តល់ឱ្យយើងនូវលទ្ធផលវិជ្ជមានខ្លះ” ។

លោករដ្ឋមន្ត្រីក៏បានកំពុងជំរុញឱ្យបណ្តាប្រទេសនានានៅជុំវិញពិភពលោកធ្វើការជាមួយតាលីបង់ ខណៈការខ្វះថាមពលមួយទៀតអាចជាលទ្ធផលអាក្រក់បំផុតសម្រាប់សហគមន៍អន្តរជាតិ។ មិនទាន់មានប្រទេសណាមួយទទួលស្គាល់ជាផ្លូវការថា តាលីបង់ជារដ្ឋាភិបាលអាហ្វហ្កានីស្ថាននៅឡើយទេ៕